RHYTIUM seu RHYTUM

RHYTIUM, seu RHYTUM

vas ab angusto fundo in latum surgens, instar cornu, memoratur Athenaeo, l. 10. c. 13. et l. 11. c. 1. 5. et 26. nec non Martiali, l. 2. Epigr. 35. ubi in Phoebum quendam, cui diducebantur poplites, tali vero seu plantae coibant, hôc pactô iocatur,

Cum sint crura tibi, simulent quae cornua lunae,

In rhytio poteras, Phoebe, lavare pedes.

Ubi nota lusum in paribus, cornu et rhyto Luna, et Phoebo. Farnabius ad l.